Яшьләр көне уңаеннан Казанда күп кенә кызыклы чаралар уздырылачак (ПРОГРАММА)
27 июнь – Яшьләр көне яшьлекнең календарьдагы бер көн белән генә чикләнмәвен искә төшерүгә сәбәп тә.
Шуңа күрә оештыручылар бәйрәмгә кадәр Казанның төрле нокталарында аерым программалар әзерләгән.
Максаты – Татарстан башкаласында яшьләр тормышының күптөрлелеген күрсәтү. Чараларда спорт белән шөгыльләнергә, иҗади күнекмәләрне үстерергә, тарафдарларны табарга мөмкин. Чараларда Яшьләр көненә башлангыч теркәү буенча катнашу – бушлай.
Һәр чарага сылтама (den-molodezhi-2026.timepad.ru/event/4007696 ) аша аерым теркәлергә кирәк. Урыннар саны чикләнгән.
Чаралар программасы 10 июньдә – “Толока” белән берлектә “Чаша” (“Казан” гаилә үзәге янында әйлән-бәйлән.
11 июньдә – “Казанская HoReCa сегодня: новые форматы, запросы гостей и перспективы развития индустрии” дискуссиясе. “УРАМ” экстрим-паркында (Кремль Яр буе, 33) 18.00 сәгатьтә башлана.
15 июньдә – “Основание”дә бильярд буенча турнир. “Основание” кофейнясендә (Бауман ур., 9 а) 19.00 сәгатьтә башлана.
16 июньдә – “УРАМ” экстрим-паркына (Кремль Яр буе, 33) экскурсия. 18.00 сәгатьтә башлана.
17 июньдә – “Плюс” кофейнясында кофе турында лекция. “Плюс” та (Шаляпин ур., 26) 18.00 сәгатьтә башлана.
22 июньдә – “Svalka.kazan” стиле буенча воркшоп. Анда катнашучылар стилист белән бергә секонд-хендта кием-салым эзләячәк һәм һәркемгә образлар тудырачак. 18.00 дә башлана.
Исегезгә төшерәбез: Яшьләр көне 27 июньдә Казанда узачак. Бәйрәмнең төп мәйданчыгы – “УРАМ” экстрим паркы.
Сүз уңаеннан, хәзерге вакытта Татарстанда “Яшьләр һәм балалар” илкүләм проекты гамәлгә ашырыла.