Қазақстанда шетелдіктерге төлем картасын беруге шектеу қойылмақ

Ұлттық банк шетелдік тұлғаларға банк карталарын беру шарттарын өзгертуді ұсынады, деп хабарлайды LS.

Қаулы жобасына сәйкес, резидент еместерге төлем карточкаларын шығару кезінде банктерге қойылатын талаптарды күшейту осы адамдардың құқыққа қайшы операцияларды, оның ішінде есірткінің заңсыз айналымы мен ойын бизнесін жүзеге асыруы үшін карталар шығару тәуекелдерін азайту мақсатында қажет.

"Қазақстанға уақытша келген немесе тұрақты тұратын шетелдікке және азаматтығы жоқ адамға төлем карточкасын шығару олар тиісінше ҚР-да уақытша тұруға рұқсат немесе халықтың көші-қоны туралы Заңға сәйкес республикада тұрақты тұруға рұқсат берген жағдайда жүзеге асырылады", — делінген құжатта.

Осылайша, Ұлттық банк төлем карточкаларын тек жеке қатысуымен және Қазақстан аумағында болудың негізділігін растайтын құжаттар негізінде беруді ұсынады. Мысалы, еңбек шарты, оқу шарты, елде тұруға рұқсат және т.б.

Сонымен қатар, кәмелетке толмаған қазақстандықтарды қорғау мақсатында олардың картасын тауарға немесе қызметке бөліп төлеу үшін пайдалануға тыйым салу жоспарлануда.

Бұдан басқа, бас банк кәмелетке толмағандардың шетелде пайдалануы үшін қолжетімді ақшаның ең көп сомасын – 500 мың теңгені немесе оның шетел валютасындағы баламасын шектеуге ниетті.

"Қазақстанда пайдаланылатын азаматтардың осы санаты шығарған карточкасы бойынша оны пайдалану үшін қолжетімді ақшаның ең көп сомасы 100 мың теңгеден немесе оның шетел валютасындағы баламасынан аспайды. Кәмелетке толмағанға оның төлем карточкасын пайдалана отырып, бір күнтізбелік күн ішінде 10 мың теңгеден аспайтын сомаға банкомат арқылы қолма-қол ақша беруге жол беріледі", — делінген құжатта.

Бұдан басқа, олардың шетелде операцияларды жүзеге асыруын бір күнтізбелік күн ішінде 500 мың теңге сомасына, ал Қазақстан аумағында- жоғарыда көрсетілген кезең ішінде 100 мың теңгеге шектеу ұсынылады.

"Кәмелетке толмағандардың төлем карточкасы оны заңды өкілдерімен толықтыруды қоспағанда, толықтыруға жатпайды. Олардың картасын пайдалана отырып төлемдерді жүзеге асыру үшін оған қолжетімді операциялар түрлерінің тізбесін оның заңды өкілдері айқындайды", — делінген құжатта.

Ұлттық банк "Астана" халықаралық қаржы орталығы (АХҚО) банктерінің шетел валютасындағы корреспонденттік шоттары арқылы жүзеге асырылатын операциялар тізбесін бекітпек:

• ҚР резидент – заңды тұлғалары мен резидент шетелдік валютаны кредиттеуге байланысты төлемдер және (немесе) ақша аударымдары (оның ішінде аккредитивті ашу (ұсыну) және растау және ол бойынша міндеттемелерді орындау);
• инвестициялық банкингке байланысты ҚР резидент – заңды тұлғалары мен резиденттердің шетелдік валютадағы ақшаларымен төлемдер және (немесе) аударымдар;
• сақтандыру, инвестициялық, брокерлік, дилерлік, кастодиандық, траст қызметтерін төлеу бойынша заңды тұлғалардың төлемдері және (немесе) ақша аударымдары;
• қолма-қол ақшасыз шетел валютасын басқа қолма-қол ақшасыз шетел валютасына сатып алу немесе сату.

"АХҚО қатысушы – ислам банкінің корреспонденттік шоты бойынша АХҚО қатысушы-ислам банкінің, сондай-ақ, оның клиенттерінің исламдық қаржыландыруды ұсынумен байланысты төлемдері және (немесе) ақша аударымдары шетел валютасында жүзеге асырылады", — деп түсіндірді Ұлттық банкте.

Төлем ұйымдарының қаржылық тұрақтылығын арттыру үшін ең төменгі жарғылық капиталдың мөлшерін ұлғайту ұсынылады. Еліміздің бас банкінде түсіндірілгендей, бұл шара халыққа үздіксіз қызмет көрсетуге қабілетті қаржылық жағдайы жоғары төлем ұйымдарының төлем қызметтері нарығында болуын қамтамасыз етуге бағытталған.